مركز د/لمياء الالفى للامراض الجلدية والتجميل والليزر

الخدمات المتاحة

• قبل ما تعملى ليزر ازالة الشعر لازم تعرفى المعلومات ده : ١) الليزر تقليل للشعر اللى طالع laser hair reduction واسلوب حياة ٢) عدد جلسات الليزر فى البدايه بنعمل ٨ جلسات ليزر متواصلة بمعنى جلسة كل شهر او شهر ونص بالكتير وبعدها نبدا نباعد بين الجلسات بحسب استجابة كل واحده مع مراعاة الفروق الفردية ٣) فى اماكن فى الجسم مش مفروض يكون فيها شعر سميك فى البنات زى الوجه والصدر والبطن علشان كده لو الشعر سميك بنشك فى حاجة مرضية ونفكر فى التكيسات او لخبطة هرمونات ٤) الفترة بين الجلسات المتباعدة او اللى بنسميها جلسات تثبيتية بتختلف من حد للتانى فى ناس بتفضل شهرين او تلاتة وفى ناس بتعمل بعد ٦ شهور وحتى ان فى ناس بتعمل كل سنة لان النتيجة معاهم ماشاءالله جميلة ٥) فترة الحمل بيزيد الشعر شوية ويهدى بعد الولاده ومش شرط كله يضيع او نبدا من الاول طالما مستمرين على الشيفنج ومستخدمناش طرق تانية للازالة تنشط الشعر ٦) الليزر فترة الحمل مش مضر وامان لكن هتلاقى اغلب دكاترة الليزر بتمنع الجلسات علشان مش نكون متهمين فى اى مشكلة تحصل اثناء الحمل ٧ ) الفيتامينات اللى فيها زنك او بيوتين المستخدمة لعلاج التساقط بلاش نستخدمها اثناء الليزر حتى لو فى دراسات بتقول انها مش بتاثر على نتيجة الليزر

فيديو

التقييمات ( )